ಸಾಮಾನ್ಯ ಜ್ಞಾನ ಕ್ವೀಜ್ 3

ಪಾಟ್ನಾ: (ಬಿಹಾರದ ಪಾಟ್ನಾದಲ್ಲಿ ಪ್ರಪಂಚದಲ್ಲೇ ಅತಿ ಎತ್ತರವಾದ (ಸುಮಾರು 70 ಅಡಿ) ಮಹಾತ್ಮ ಗಾಂಧಿಯವರ ಪ್ರತಿಮೆಯನ್ನು ಇತ್ತೀಚೆಗೆ ಅನಾವರಣಗೊಳಿಸಲಾಗಿದೆ. ನವದೆಹಲಿಯ ಸಂಸತ್ತಿನ ಆವರಣದಲ್ಲಿರುವ ಮಹಾತ್ಮ ಗಾಂಧಿ ಪ್ರತಿಮೆ ಈ ತನಕ ಅತಿ ಎತ್ತರದ ಪ್ರತಿಮೆಯಾಗಿತ್ತು. ದೆಹಲಿ ಮೂಲದ ಶಿಲ್ಪಿ ರಾಮ್ ಸುತಾರ್ ಮತ್ತು ಮಕ್ಕಳು ಇದನ್ನು ನಿರ್ಮಿಸಿದ್ದಾರೆ.)

ಬಿಹಾರ: (ಬಿಹಾರ ರಾಜ್ಯ ಸರ್ಕಾರವು ಇತ್ತೀಚೆಗೆ ತನ್ನ ರಾಜ್ಯದ ಶಾಲೆಗಳಲ್ಲಿ “ಸೂರ್ಯ ನಮಸ್ಕಾರ” ಕಡ್ಡಾಯವಾಗಿ ಜಾರಿಗೆ ತರಲು ಆದೇಶ ಹೊರಡಿಸಿದೆ.)

ಬ್ರಿಟನ್ :(ಹೆಲಿಕ್ಯಾಪ್ಟರ್ ಪೂರೈಕೆಗೆ ಲಂಚ ಪಡೆದ ಆರೋಪ ಹೊತ್ತಿರುವ ಆಗಸ್ಟಾ ವೆಸ್ಟ್ ಲೆಂಡ್ ಕಂಪನಿಯು ಇಟಲಿಯ ಬಾಹ್ಯಾಕಾಶ ಮತ್ತು ರಕ್ಷಣಾ ಉತ್ಪನ್ನ ತಯಾರಿಕ ಕಂಪನಿಯಾದ “ಫಿನ್ ಮೆಕ್ಕಾನಿಕ” ಕಂಪನಿಯ ಅಂಗ ಸಂಸ್ಥೆಯಾಗಿದೆ. ಈ ಕಂಪನಿ ನೊಂದಣಿ ಆಗಿರುವುದು ಬ್ರಿಟನ್ ನಲ್ಲಿ.)

ಥ್ರಿ ಮಿಸ್ಟೆಕ್ಸ್ ಇನ್ ಮೈ ಲೈಫ್: (ಬಿಡುಗಡೆ ಸಿದ್ದವಾಗಿರುವ “ಕೈ ಪೋ ಚಿ” ಚಿತ್ರವನ್ನು ಚೇತನ್ ಭಗತ್ ರವರ “ಥ್ರಿ ಮಿಸ್ಟೆಕ್ಸ್ ಇನ್ ಮೈ ಲೈಫ್” ಎಂಬ ಪ್ರಸಿದ್ದ ಕಾದಂಬರಿಯನ್ನು ಆಧಾರಿಸಿ ತಯಾರಿಸಲಾಗಿದೆ)

ಕ್ರಿಕೆಟ್: (ರಣಜಿ ಟ್ರೋಪಿ ಚಾಂಪಿಯನ್ ಶಿಪ್ 25 ವರ್ಷಗಳನ್ನು ಪೂರೈಸಿದರ ಸ್ಮರಣಾರ್ಥ 1959-60 ನೇ ಸಾಲಿನಲ್ಲಿ ಇರಾನಿ ಕಪ್ ಸ್ಥಾಪಿಸಲಾಗಿದೆ. 1928 ರಿಂದ 1970 ರ ವರೆಗೆ ಬಿಸಿಸಿಐ ಗೆ ಶ್ಲಾಘನೀಯ ಸೇವೆ ಸಲ್ಲಿಸಿದ Z.R.ಇರಾನಿಯವರ ಹೆಸರನ್ನು ಈ ಕಪ್ ಗೆ ನೀಡಲಾಗಿದೆ. ಯಾವುದೇ ವರ್ಷದಲ್ಲಿ ರಣಜಿ ಚಾಂಪಿಯನ್ ಆಗುವ ತಂಡ ಮತ್ತು ಭಾರತದ ಇತರೆ ತಂಡಗಳ ನಡುವೆ ಮಾತ್ರ ಈ ಟೂರ್ನಿಯನ್ನು ಆಯೋಜಿಸಲಾಗುತ್ತದೆ. ಈ ವರ್ಷದಲ್ಲಿ ಮುಂಬೈ ತಂಡ 44 ನೇ ಬಾರಿ ರಣಜಿ ಚಾಂಪಿಯನ್ ಆಗಿತ್ತು. ಆದರೆ ಭಾರತದ ಇತರೆ ತಂಡಕ್ಕೆ ಸತತ 8 ನೇ ಬಾರಿ ಇರಾನಿ ಕಪ್ ಒಲಿಯಿತು.)

ಫ್ರಾನ್ಸ್:(ಫ್ರಾನ್ಸ್ ಸರ್ಕಾರವು ತನ್ನ ದೇಶದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಮತ್ತು ಸರ್ಕಾರಿ ಶಾಲೆಗಳಲ್ಲಿ ಸಿಖ್ಖರು ಪೇಟ ಧರಿಸುವುದರ ಮೇಲೆ ನಿಷೇಧವನ್ನು ಹೇರಿದೆ. ಫ್ರಾನ್ಸ್ ನ ಅಧ್ಯಕ್ಷರಾದ ಫ್ರಾಂಕೋಯಿಸ್ ಹಾಲೆಂಡ್ ರವರು ಭಾರತಕ್ಕೆ ಭೇಟಿ ನೀಡಲಿದ್ದು, ದೆಹಲಿಯಲ್ಲಿ ಇವರ ವಿರುದ್ದ ಪ್ರತಿಭಟನೆ ನಡೆಸುವುದಾಗಿ ಸಿಖ್ ಸಮುದಾಯ ಹೇಳಿದೆ.)

ಅಶೋಕ್ ಕುಮಾರ್ ಮುಖರ್ಜಿ: (ಅಶೋಕ್ ಕುಮಾರ್ ಮುಖರ್ಜಿಯವರನ್ನು ವಿಶ್ವ ಸಂಸ್ಥೆಗೆ ಭಾರತದ ಖಾಯಂ ರಾಯಭಾರಿಯಾಗಿ ನೇಮಕ ಮಾಡಲಾಗಿದೆ. ಇದುವರೆಗೂ ಈ ಹುದ್ದೆಯಲ್ಲಿದ್ದ ಹರದೀಪ್ ಸಿಂಗ್ ರವರು ನಿವೃತ್ತಿ ಹೊಂದಲಿರುವ ಕಾರಣ ಮುಖರ್ಜಿಯವರನ್ನು ನೇಮಕ ಮಾಡಲಾಗಿದೆ.)

ರಾಂಚಿ ರಿನೋಸ್: (ರಾಂಚಿ ರಿನೋಸ್ ತಂಡ ಡೆಲ್ಲಿ ವೇವ್ ರೈಡರ್ಸ್ ತಂಡವನ್ನು 3-1 ಗೋಲುಗಳಿಂದ ಸೋಲಿಸುವ ಮೂಲಕ ಚಾಂಪಿಯನ್ ತಂಡವಾಗಿ ಉದಯಿಸಿತು.)

ಕ್ಷುದ್ರ ಗ್ರಹ: (2012DA14 ಒಂದು ಕ್ಷುದ್ರಗ್ರಹ. ಇದು ಇತ್ತೀಚೆಗೆ ಭೂಮಿಯಿಂದ ಕೇವಲ 17,200 ಮೈಲಿ ದೂರದ ಸಮೀಪದಲ್ಲಿ ಹಾದು ಹೋಗುವ ಮೂಲಕ ಆತಂಕ ಸೃಷ್ಟಿಸಿತ್ತು. 2012DA14 ಕ್ಷುದ್ರಗ್ರಹವು ಭೂಮಿಗೆ ಅಪ್ಪಳಿಸಲಿದೆ ಎಂದು ವಿಜ್ಞಾನಿಗಳು ಮೊದಲಿಗೆ ಅಂದಾಜಿಸಿದ್ದರು. ಆದರೆ ಇದರಿಂದ ಯಾವುದೇ ಅಪಾಯವಿಲ್ಲವೆಂದು ನಂತರ ತಿಳಿದು ಬಂದಿದೆ.)

22: (ವಿರೋಧ ಪಕ್ಷಗಳ ವಿರೋಧದ ನಡುವೆಯೂ ರಾಜ್ಯದಲ್ಲಿ ಖಾಸಗಿ ವಿವಿ ಗಳ ಸ್ಥಾಪನೆಗೆ ಅನುಮೋದನೆ ನೀಡುತ್ತಿರುವ ಪಟ್ಟಿ ಬೆಳೆಯುತ್ತಲೆ ಇದೆ. ಬೆಳಗಾವಿ ಅಧಿವೇಶನದಲ್ಲಿ 13 ಖಾಸಗಿ ವಿವಿಗಳ ಸ್ಥಾಪನೆಗೆ ಅಂಗೀಕಾರ ನೀಡಲಾಗಿತ್ತು. ಸದ್ಯ ರಾಜ್ಯದಲ್ಲಿ ಖಾಸಗಿ ವಿವಿಗಳ ಸಂಖ್ಯೆ 22 ಕ್ಕೆ ಏರಲಿದೆ.)