ಸಾಮಾನ್ಯ ಜ್ಞಾನ ಕ್ವೀಜ್ 10

Find What you Seek: (ಭಾರತ ಪ್ರವಾಸಿ ಸಚಿವಾಲಯದ ಚಿತ್ರ “Find What you Seek” ಗೆ ಬರ್ಲಿನ್ ನಲ್ಲಿ ನಡೆದ 11 ನೇ ಗೋಲ್ಡನ್ ಸಿಟಿ ಗೇಟ್ ಟೂರಿಸಂ ಮೀಡಿಯಾ ಪ್ರಶಸ್ತಿ ದೊರೆತಿದೆ)

ಏರ್ ಇಂಡಿಯಾ ಸಂಸ್ಥೆಯ ಕಾರ್ಯನಿರ್ವಹಣೆ ವೆಚ್ಚವನ್ನು ಕಡಿತಗೊಳಿಸಲು: (ಜಾಗತಿಕ ಮಟ್ಟದಲ್ಲಿರುವ ಉತ್ತಮ ಕಾರ್ಯವಿಧಾನವನ್ನು ಅಳವಡಿಸಿಕೊಳ್ಳುವ ಮೂಲಕ ಏರ್ ಇಂಡಿಯಾ ಸಂಸ್ಥೆಯ ಕಾರ್ಯನಿರ್ವಹಣಾ ವೆಚ್ಚವನ್ನು ಕಡಿತಗೊಳಿಸುವ ಸಲುವಾಗಿ ಶಿಫಾರಸ್ಸು ಮಾಡಲು ಸರ್ಕಾರ ಐಐಎಂ ಅಹಮದಬಾದ್ ನ ಪ್ರೋಫೆಸರ್ ಆಗಿರುವ “ರವೀಂದ್ರ ಎಚ್ ದೊಲಕಿಯಾ” ನೇತೃತ್ವದಲ್ಲಿ ಸಮಿತಿಯನ್ನು ರಚಿಸಿದೆ.)

ಚೆನ್ನೈ ವಿಮಾನ ನಿಲ್ದಾಣ: (ಹಾರಾಡುತ್ತಿರುವ ವಿಮಾನಗಳನ್ನು ಗುರುತಿಸುವುದು ಮತ್ತು ನಿಲ್ದಾಣದಲ್ಲಿ ವಿಮಾನಗಳು ಇಳಿಯುವುದಕ್ಕೆ ಮಾರ್ಗದರ್ಶನ ನೀಡಲು ಉಪಗ್ರಹ ಆಧಾರಿತ ವ್ಯವಸ್ಥೆಯನ್ನು ಚೆನ್ನೈ ವಿಮಾನ ನಿಲ್ದಾಣ ಹೊಂದಲಿದೆ. ಆಮೆರಿಕಾ ಮೂಲದ ಹನಿವೆಲ್ ಸ್ಮಾರ್ಟ್ ಪಾತ್ (Honeywell Smartpath) ಚೆನ್ನೈ ವಿಮಾನ ನಿಲ್ದಾಣದಲ್ಲಿ “ಜಿಬಿಎಎಸ್” ಅಳವಡಿಸಲಿದ್ದು, ಈ ಸಂಬಂಧದ ಒಪ್ಪಂದಕ್ಕೆ ಭಾರತೀಯ ವಿಮಾನ ನಿಲ್ದಾಣಗಳ ಪ್ರಾಧಿಕಾರ (AAI) ಸಹಿ ಹಾಕಿದೆ. ಈ ಮೂಲಕ Ground Based Augmentation System (GBAS) ನ್ನು ಅಳವಡಿಸಿಕೊಳ್ಳುತ್ತಿರುವ ದೇಶದ ಮೊದಲ ವಿಮಾನ ನಿಲ್ದಾಣವಾಗಿ ಚೆನ್ನೈ ನಿಲ್ದಾಣ ಉದಯಿಸಲಿದೆ)

ದೆಹಲಿ:(ಅಂತರ ರಾಷ್ಟ್ರೀಯ ಮಹಿಳಾ ದಿನದ ಅಂಗವಾಗಿ ದೆಹಲಿಯಲ್ಲಿ ದೇಶದ ಮೊದಲ ಮಹಿಳಾ ಅಂಚೆ ಕಚೇರಿಯ ಶಾಖೆಯನ್ನು ಆರಂಭಿಸಲಾಗಿದೆ. ಈ ಶಾಖೆಯಲ್ಲಿ ಎಲ್ಲಾ ಸಿಬ್ಬಂದಿಗಳು ಮಹಿಳೆಯರಾಗಿದ್ದಾರೆ)

ಟಾಟಾ ಟೀ: (ಮಹಿಳೆಯರ ಪರವಾಗಿ ಟಾಟಾ ಟೀ ಸಂಸ್ಥೆಯು “ಜಾಗೋ ರೇ” ಎಂಬ ಸಾಮಾಜಿಕ ಚಳುವಳಿಯನ್ನು ಆರಂಭಿಸಲಿದೆ. ಈ ಅಭಿಯಾನದ ಅಂಗವಾಗಿ ಆರ್.ಬಾಲ್ಕಿ ನಿರ್ದೇಶನದ ಕಿರು ಚಿತ್ರವೊಂದರಲ್ಲಿ ಬಾಲಿವುಡ್ ಕಿಂಗ್ ಖಾನ್ “ಶಾರೂಖ್ ಖಾನ್” ರವರು ನಟಿಸಿದ್ದಾರೆ)

ಯುವರಾಜ್ ಸಿಂಗ್: (ಭಾರತ ತಂಡದ ಎಡಗೈ ಬ್ಯಾಟ್ಸ್ ಮನ್ ಯುವರಾಜ್ ಸಿಂಗ್ ರವರು ಕ್ಯಾನ್ಸರ್ ಗೆದ್ದು ಬಂದ ಕುರಿತು ಬರೆದಿರುವ ಪುಸ್ತಕ “ದಿ ಟೆಸ್ಟ್ ಆಫ್ ಮೈ ಲೈಫ್” ಮೊದಲ 20 ಪ್ರತಿಗಳನ್ನು ಆನ್ ಲೈನ್ ಮೂಲಕ ಹರಾಜು ಮಾಡಲಾಯಿತು. ಹರಾಜಿನ ಆರಂಭಿಕ ಮೊತ್ತ 5,000 ಗಳಿದ್ದು ಇದರಿಂದ ಬರುವ ಮೊತ್ತವನ್ನು “ಯುವಿಕ್ಯಾನ್ ಫೌಂಡೇಷನ್” ಗೆ ನೀಡಲಾಗುತ್ತದೆ.)

ಪಶ್ಚಿಮ ಬಂಗಾಳ:(ಪಶ್ಚಿಮ ಬಂಗಾಳದ ಮಾಜಿ ರಾಜ್ಯಪಾಲ ಹಾಗೂ ಉದ್ಯಮಿ ವಿರೇನ್ ಜೆ ಶಾ ರವರು ನಿಧನರಾದರು. 86 ವರ್ಷ ವಯಸ್ಸಿನ ಶಾ ರವರು ಜೋರ್ಡನ್ ಪ್ರವಾಸದಲ್ಲಿದ್ದ ವೇಳೆ ಸಂಭವಿಸಿದ ಹಠಾತ್ ಹೃದಯಾಘಾತದಿಂದ ಮರಣಹೊಂದಿದ್ದಾರೆ. ಕೊಲ್ಕತ್ತಾದಲ್ಲಿ ಮೇ 12, 1926 ರಲ್ಲಿ ಜನಿಸಿದ ಶಾ ರವರು ಬಾಂಬೆ ವಿವಿಯಿಂದ ಪದವಿ ಪಡೆದಿದ್ದರು. ಗುಜರಾತ್ ನ ಜುನಗಢ್ ನಿಂದ ಶಾ ರವರು 1967 ರಲ್ಲಿ ಮೊದಲ ಬಾರಿ ಸಂಸತ್ತಿಗೆ ಆಯ್ಕೆಯಾಗಿದ್ದರು. 1975 ರಿಂದ 1981 ರ ವರೆಗೆ ಮತ್ತು 1990 ರಿಂದ 1996 ರ ವರೆಗೆ ಎರಡು ಬಾರಿ ರಾಜ್ಯ ಸಭಾ ಸದಸ್ಯರಾಗಿ ಅವರು ನೇಮಕಗೊಂಡಿದ್ದರು. ಪಶ್ಚಿಮ ಬಂಗಾಳದ ರಾಜ್ಯಪಾಲರಾಗಿ 1999 ರಿಂದ 2004 ರ ತನಕ ಸೇವೆ ಸಲ್ಲಿಸಿದ ಶಾ ರವರು ಮುಕುಲ್ ಲಿಮಿಟೆಡ್ ಸ್ಟೀಲ್ ಸಂಸ್ಥೆಯ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿ ಸಹ ಕಾರ್ಯನಿರ್ವಹಿಸಿದ್ದರು)

ಉಹುರು ಕೆನ್ಯಾಟ್ಯಾ:(ಕೀನ್ಯಾದ ರಾಷ್ಟ್ರಪತಿ ಸ್ಥಾನಕ್ಕೆ ಇತ್ತೀಚೆಗೆ ನಡೆದ ಚುನಾವಣೆಯ ಫಲಿತಾಂಶ ಹೊರಬಿದ್ದಿದೆ. ಮಾನವೀಯತೆಯ ವಿರುದ್ಧ ಆಪಾದಿತ ಅಪರಾಧಗಳನ್ನು ಎದುರಿಸುತ್ತಿರುವ ಕೀನ್ಯಾದ ಉಪಪ್ರಧಾನಿ ಉಹುರು ಕೆನ್ಯಾಟ್ಯಾ ರವರು ಈ ಚುನಾವಣೆಯಲ್ಲಿ ಗೆಲುವು ಸಾಧಿಸುವ ಮೂಲಕ ಕೀನ್ಯಾದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ)

ಕೆನರಾ ಬ್ಯಾಂಕ್:(ಸಾರ್ವಜನಿಕ ವಲಯದ ಕೆನರಾ ಬ್ಯಾಂಕ್ ಯಶಸ್ವಿ ಮಹಿಳಾ ಉದ್ಯಮಿಗಳನ್ನು ಉತ್ತೇಜಿಸುವ ಸಲುವಾಗಿ ವಾರ್ಷಿಕ ಪ್ರಶಸ್ತಿಯನ್ನು ನೀಡುವ ಯೋಜನೆಯನ್ನು ಪ್ರಕಟಿಸಿದೆ. ಅಂತರ ರಾಷ್ಟ್ರೀಯ ಮಹಿಳಾ ದಿನದ ಅಂಗವಾಗಿ ಆಯೋಜಿಸಿದ್ದ ಸಮಾರಂಭದಲ್ಲಿ ಕೆನರಾ ಬ್ಯಾಂಕ್ ನ ಮ್ಯಾನೇಜಿಂಗ್ ಡೈರೆಕ್ಟರ್ ಆರ್.ಕೆ.ದುಬೆ ರವರು ಈ ನಿರ್ಣಯವನ್ನು ತಿಳಿಸಿದ್ದಾರೆ. ಕೆನರಾ ಬ್ಯಾಂಕ್ ನಿಂದ ಸಾಲ ಪಡೆದ ಯಶಸ್ವಿ ಮಹಿಳಾ ಉದ್ಯಮಿಗಳಿಗೆ ರೂ.25000, ರೂ.50000 ಮತ್ತು ರೂ 100000 ಮೊತ್ತದ ಪ್ರಶಸ್ತಿಯನ್ನು ನೀಡಲಾಗುವುದು. ಪ್ರಶಸ್ತಿಯನ್ನು ಹೊರತುಪಡಿಸಿ ಮಹಿಳಾ ಸಿಬ್ಬಂದಿಯನ್ನೇ ಹೊಂದಿರುವ 10 ಶಾಖೆಗಳನ್ನು ಸಹ ತೆರೆಯಲು ಬ್ಯಾಂಕ್ ನಿರ್ಧರಿಸಿದೆ)

L & T: (ಲಾರ್ಸನ್ ಅಂಡ್ ಟರ್ಬೊ ಸಂಸ್ಥೆಯ ಹಿರಿಯ ಕಾರ್ಯನಿರ್ವಾಹಕ ಅಧಿಕಾರಿಯೊಬ್ಬರು ಮಾಡಿರುವ ವಂಚನೆಯಿಂದ ವಿಶ್ವ ಬ್ಯಾಂಕ್ ಈ ಕಂಪನಿಯ ಮೇಲೆ ನಿಷೇಧ ಹೇರಿದೆ. ನಿಷೇಧದ ಅನ್ವಯ ವಿಶ್ವ ಬ್ಯಾಂಕ್ ಜೊತೆಗಿನ ಕಂಪನಿಯ ಎಲ್ಲಾ ವಹಿವಾಟುಗಳು ಸ್ಥಗಿತಗೊಳ್ಳಲಿದೆ. ಅಲ್ಲದೇ ವಿವಿಧ ಯೋಜನೆಗಳಿಗೆ ವಿಶ್ವ ಬ್ಯಾಂಕ್ ನೀಡಿರುವ ಸಾಲವನ್ನು ಆರು ತಿಂಗಳ ಕಾಲ ತಡೆಹಿಡಿಯಲಿದೆ. ಈ ನಿಷೇಧವು ಆರು ತಿಂಗಳ ಕಾಲಾವಧಿ ತನಕ ಅಂದರೆ ಸೆಪ್ಟೆಂಬರ್ 6, 2013 ರ ತನಕ ಜಾರಿಯಲ್ಲಿ ಇರಲಿದೆ)