ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್- ನವೆಂಬರ್-12, 2016

ಪ್ರಸಿದ್ದ ಸಾಮಾಜಿಕ ತಾಣ ಫೇಸ್ ಬುಕ್ ಸಿಇಓ ಮಾರ್ಕ್ ಜುಕರ್ಬರ್ಗ್ ಅವರನ್ನು ಫೋರ್ಬ್ಸ್ ನಿಯತಕಾಲಿಕೆಯ 2016 ವರ್ಷದ ಬ್ಯುಸಿನೆಸ್ ವ್ಯಕ್ತಿ ಗೌರವಕ್ಕೆ ಪಾತ್ರರಾಗಿದ್ದಾರೆ. ವರ್ಷದಿಂದ ವರ್ಷಕ್ಕೆ ಕಂಪನಿಯ ಬೆಳವಣಿಗೆ ಹಾಗೂ ಇದನ್ನು ಸಾಧಿಸಲು ಜುಕರ್ಬರ್ಗ್ ಹೊಂದಿರುವ ದೂರದೃಷ್ಟಿ ಮತ್ತು ಸಾಮರ್ಥ್ಯವನ್ನು ಗಮನಿಸಿ ಅವರನ್ನು 2016 ವರ್ಷದ ಬ್ಯುಸಿನೆಸ್ ವ್ಯಕ್ತಿ ಎಂದು ಪರಿಗಣಿಸಲಾಗಿದೆ.

ಭಾರತದ ನರಿಂದರ್ ಬಾತ್ರಾ ಅವರು ಅಂತರರಾಷ್ಟ್ರೀಯ ಹಾಕಿ ಫೆಡರೇಷನ್ನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಹಾಕಿ ಇಂಡಿಯಾ'ದ ಅಧ್ಯಕ್ಷರೂ ಆಗಿರುವ ಬಾತ್ರಾ ಅವರು ಐಎಚ್ಎಫ್ನ ಅತ್ಯುನ್ನತ ಹುದ್ದೆಗೆ ನಡೆದ ಚುನಾವಣೆ ಯಲ್ಲಿ 68 ಮತಗಳನ್ನು ಗಳಿಸಿದರು. ಐರ್ಲೆಂಡ್ನ ಡೇವಿಡ್ ಬಲ್ಬಿರ್ನಿ ಮತ್ತು ಆಸ್ಟ್ರೇಲಿಯಾದ ಕೆನ್ ರೀಡ್ ಕ್ರಮವಾಗಿ 29 ಮತ್ತು 13 ಮತಗಳನ್ನು ಗಳಿಸಲಷ್ಟೇ ಶಕ್ತರಾದರು.ಈ ಹುದ್ದೆಗೆ ಏರಿದ ಏಷ್ಯಾ ಖಂಡದ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆ ಬಾತ್ರಾ ಅವರದಾಗಿದೆ.

ಅಮೆರಿಕಾದ ಉಪಾಧ್ಯಕ್ಷರಾಗಿ ಮೈಕ್ ಪೆನ್ಸ್ ಆಯ್ಕೆಯಾಗಿದ್ದಾರೆ. ಮೈಕ್ ಪೆನ್ಸ್ 2013 ರಿಂದ ಇಂಡಿಯಾನಾ ರಾಜ್ಯದ ಗವರ್ನರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರಸ್ತುತ ಜಿಯೋ ಬಿಡನ್ ಉಪಾಧ್ಯಕ್ಷರಾಗಿದ್ದು, ಪೆನ್ಸ್ ಅಧಿಕಾರಾವಧಿ 2017 ಜನವರಿಯಿಂದ ಶುರುವಾಗಲಿದೆ. ನವೆಂಬರ್ 8 ರಂದು ನಡೆದ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಡೊನಾಲ್ಡ್ ಟ್ರಂಪ್ ಅವರು ಡೆಮಾಕ್ರೆಟ್ ಪಕ್ಷದ ಹಿಲರಿ ಕ್ಲಿಂಟನ್ ಅವರನ್ನು ಮಣಿಸಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು. ಟ್ರಂಪ್ ಅವರ ಅಧಿಕಾರಾವಧಿ ಕೂಡ ಜನವರಿ 20, 2017 ರಿಂದ ಆರಂಭವಾಗಲಿದೆ.

ಖಾಸಗಿ ವಲಯದ ಪ್ರಮುಖ ಬ್ಯಾಂಕ್ ಗಳಲ್ಲಿ ಒಂದಾಗಿರುವ ಫೆಡರಲ್ ಬ್ಯಾಂಕ್ ದುಬೈನಲ್ಲಿ ತನ್ನ ಮೊದಲ ಅಂತಾರಾಷ್ಟ್ರೀಯ ಶಾಖೆಯನ್ನ ತೆರೆಯಲು ಭಾರತೀಯ ರಿಸರ್ವ್ ಬ್ಯಾಂಕ್ ಅನುಮತಿ ನೀಡಿದೆ.

ಮೇಘಾಲಯದಲ್ಲಿ ನವೆಂಬರ್ 14 ರಂದು ಚೆರ್ರಿ ಬ್ಲಾಸಮ್ ಉತ್ಸವ ಆರಂಭಗೊಳ್ಳಲಿದೆ. ಇದೇ ಮೊದಲ ಬಾರಿಗೆ ಭಾರತದಲ್ಲಿ ಈ ಉತ್ಸವವನ್ನು ಆಯೋಜಿಸಲಾಗುತ್ತಿದೆ. ನಾಲ್ಕು ದಿನಗಳ ಕಾಲ ನಡೆಯಲಿರುವ ಉತ್ಸವದಲ್ಲಿ ಗುಲಾಬಿ ಮತ್ತು ಬಿಳಿ ಬಣ್ಣದ ಚೆರ್ರಿ ಮೊಗ್ಗು ಜೊತೆಗೆ ಮೇಘಾಲಯದ ಕಲೆ, ಸಂಸ್ಕೃತಿ ಮತ್ತು ಪರಂಪರೆಯನ್ನು ಪ್ರದರ್ಶಿಸಲಾಗುವುದು. ಚೆರ್ರಿ ಬ್ಲಾಸಮ್ ಉತ್ಸವ ಜಪಾನ್ ನಲ್ಲಿ ಅತ್ಯಂತ ಹೆಚ್ಚು ಪ್ರಸಿದ್ದಿ ಹೊಂದಿದೆ.

32ನೇ ರಾಷ್ಟ್ರೀಯ ಜೂನಿಯರ್ ಅಥ್ಲೆಟಿಕ್ ಚಾಂಪಿಯನ್ ಷಿಪ್ ನ ಬಾಲಕರ ಹೈಜಂಪ್ ವಿಭಾಗದಲ್ಲಿ ದೆಹಲಿಯ ತೇಜಸ್ವಿನ್ ಶಂಕರ್ 12 ವರ್ಷಗಳ ರಾಷ್ಟ್ರೀಯ ಹಿರಿಯರ ದಾಖಲೆಯನ್ನು ಮುರಿದಿದ್ದಾನೆ. ಬಾಲಕರ ಹೈಜಂಪ್ ಸ್ಪರ್ಧೆಯಲ್ಲಿ ತೇಜಸ್ವಿನಿ ಶಂಕರ್ 2.26 ಮೀ. ಎತ್ತರ ಜಿಗಿಯುವ ಮೂಲಕ ಸ್ವರ್ಣ ಪದಕ ಗೆದ್ದುಕೊಂಡಿದ್ದಾರೆ. ಇದಕ್ಕೂ ಮುನ್ನ ಪಶ್ಚಿಮ ಬಂಗಾಳದ ಹರಿ ಶಂಕರ್ ರಾಯ್ 2.25ಮೀ. ಎತ್ತರ ಜಿಗಿದು ಹಿಂದಿನ ರಾಷ್ಟ್ರೀಯ ಹಿರಿಯರ ಮಟ್ಟದ ದಾಖಲೆ ಹೊಂದಿದ್ದರು.

ಎರಡನೇ ರಾಷ್ಟ್ರೀಯ ಮಕ್ಕಳ ಸಿನಿಮೋತ್ಸವ ಜೈಪುರದ ಬಿರ್ಲಾ ಆಡಿಟೋರಿಯಂನಲ್ಲಿ ನವೆಂಬರ್ 14 ರಂದು ಆರಂಭವಾಗಲಿದೆ. ಮೇಕ್ ಇನ್ ಇಂಡಿಯಾ ಇದು ಈ ಸಿನಿಮೋತ್ಸವದ ಥೀಮ್.

ಭಾರತ ವಿಶ್ವದಲ್ಲೆ ಅತಿ ಹೆಚ್ಚು ನ್ಯೂಮೋನಿಯಾ ಮತ್ತು ಡಯೋರಿಯೊ ಕಾಯಿಲೆಯಿಂದ ಮಕ್ಕಳ ಸಾವು ಸಂಭವಿಸುತ್ತಿರುವ ರಾಷ್ಟ್ರಗಳ ಪೈಕಿ ಮೊದಲ ಸ್ಥಾನದಲ್ಲಿದೆ. ವಿಶ್ವ ನ್ಯೂಮೋನಿಯಾ ದಿನವಾದ ನವೆಂಬರ್ 12 ರಂದು ಬಿಡುಗಡೆಗೊಂಡ ವರದಿಯಲ್ಲಿ ಈ ವಿಷಯ ಬಹಿರಂಗಗೊಂಡಿದೆ. ಭಾರತ, ನೈಜೀರಿಯಾ, ಪಾಕಿಸ್ತಾನ, ಡೆಮಾಕ್ರೆಟಿಕ್ ರಿಪಬ್ಲಿಕ್ ಕಾಂಗೋ ಮತ್ತು ಅಂಗೋಲಾ ಮೊದಲ ಐದು ಸ್ಥಾನದಲ್ಲಿವೆ.

36ನೇ ಭಾರತ ಅಂತಾರಾಷ್ಟ್ರೀಯ ವ್ಯಾಪಾರ ಮೇಳಕ್ಕೆ ನವದೆಹಲಿಯ ಪ್ರಗತಿ ಮೈದಾನದಲ್ಲಿ ರಾಷ್ಟ್ರಪತಿ ಪ್ರಣಭ್ ಮುಖ್ರಜಿ ವಿದ್ಯುಕ್ತ ಚಾಲನೆ ನೀಡಿದರು. ಡಿಜಿಟಲ್ ಇಂಡಿಯಾ ಈ ವರ್ಷ ವ್ಯಾಪಾರ ಮೇಳದ ಧ್ಯೇಯವಾಕ್ಯ. ಈ ಬಾರಿಯ ವ್ಯಾಪಾರ ಮೇಳದ ಪ್ರಾಮುಖ್ಯತೆ ರಾಷ್ಟ್ರ ಬೆಲಾರಸ್ ಹಾಗೂ ಪ್ರಾಮುಖ್ಯತೆ ರಾಜ್ಯ ಹರಿಯಾಣ.

1976 ರಲ್ಲಿ 74 (1) ನೇ ವಿಧಿಗೆ 42ನೇ ತಿದ್ದುಪಡಿಯನ್ನು ತರಲಾಗುವ ಮೂಲಕ ಈ ಕಾಯ್ದೆಯ ಪ್ರಕಾರ ಮಂತ್ರಿಮಂಡಲದ ಸಲಹೆಗೆ ರಾಷ್ಟ್ರಪತಿಗಳು ಬದ್ದವಾಗಿರಬೇಕು.