ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್- ಡಿಸೆಂಬರ್,23,2016

ನಟಿ ಸನ್ನಿ ಲಿಯೊನ್ ರವರಿಗೆ 2016 ಪೆಟಾ (People for the Ethnical Treatment of Animals (PETA)) ವರ್ಷದ ವ್ಯಕ್ತಿ ಪ್ರಶಸ್ತಿ ಲಭಿಸಿದೆ. ಬೀದಿ ನಾಯಿಗಳು ಮತ್ತು ಬೆಕ್ಕುಗಳ ರಕ್ಷಣೆಯನ್ನು ಪ್ರೋತ್ಸಾಹಿಸುವುದು ಹಾಗೂ ಪ್ರಾಣಿಗಳನ್ನು ಚರ್ಮಕ್ಕಾಗಿ ಕಳ್ಳಭೇಟೆ ಆಡುವುದರ ವಿರುದ್ದ ಧ್ವನಿಗೂಡಿಸಿರುವುದನ್ನು ಗಮನಿಸಿ ಲಿಯೊನ್ ಅವರನ್ನು ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ. ಈ ವರ್ಷದ ಪ್ರಾರಂಭದಲ್ಲಿ ಸನ್ನಿ ಲಿಯೊನ್ ರವರು ಸಾರ್ವಜನಿಕರು ಬೀದಿ ನಾಯಿಯನ್ನು ದತ್ತು ಪಡೆದು ಸಾಕುವಂತೆ ಪ್ರೋತ್ಸಾಹಿಸುವ ಜಾಹೀರಾತು ಅಭಿಯಾನದಲ್ಲಿ ಕಾಣಿಸಿಕೊಂಡಿದ್ದರು.

ಭಾರತ ಕ್ರಿಕೆಟ್ ತಂಡ ಶ್ರೀಲಂಕಾದ ಕೊಲೊಂಬೊದಲ್ಲಿ ನಡೆದ 19 ವರ್ಷದೊಳಗಿನವರ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದುಕೊಂಡಿತು. ಫೈನಲ್ ಪಂದ್ಯದಲ್ಲಿ ಭಾರತ ತಂಡವು 34 ರನ್ಗಳಿಂದ ಶ್ರೀಲಂಕಾ ತಂಡದ ಎದುರು ಜಯ ಗಳಿಸಿತು.

ಅಂಡಮಾನ್ ಮತ್ತು ನಿಕೋಬರ್ ದ್ವೀಪ ಪ್ರದೇಶ 1759 ರಲ್ಲಿ ಡ್ಯಾನಿಶ್ ಕಾಲೋನಿಯಾದ ಸಂದರ್ಭದಲ್ಲಿ ನ್ಯೂ ಡೆನ್ಮಾರ್ಕ್ ಎನ್ನಲಾಗುತ್ತಿತ್ತು. ಆ ನಂತರ ಫ್ರೆಡೆರಿಕ್ ದ್ವೀಪವೆಂತಲೂ ಕರೆಯಲಾಯಿತು.

ಫ್ರಾನ್ಸ್ ನಲ್ಲಿ ವಿಶ್ವದಲ್ಲೆ ಮೊದಲ ಬಾರಿಗೆ ರಾಷ್ಟ್ರೀಯ ಅಂಚೆ ಸೇವೆಗೆ ಡ್ರೋನ್ ಗಳನ್ನು ಬಳಕೆ ಮಾಡಲಾಗುತ್ತಿದೆ. ಪರ್ವತ ಪ್ರದೇಶಗಳಲ್ಲಿ ವಾರಕ್ಕೊಮ್ಮೆ ಡ್ರೋಣ್ ಗಳು ಸೇವೆಯನ್ನು ಒದಗಿಸಲಿವೆ. ಈ ಡ್ರೋಣ್ ಗಳು 30.5 ಕಿ.ಮೀ/ಗ ವೇಗದಲ್ಲಿ ಚಲಿಸಲಿದ್ದು, 19 ಕಿ.ಮೀ ಸಾಗಬಲ್ಲ ಸಾಮರ್ಥ್ಯವನ್ನು ಹೊಂದಿವೆ.

ಚೀನಾ ಪಾಕಿಸ್ತಾನ ಎಕಾನಮಿಕ್ ಕಾರಿಡಾರ್ (CPEC) ಪಾಕಿಸ್ತಾನದ ಗ್ವದಾರ್ ಬಂದರನ್ನು ಚೀನಾದ ಕ್ಸಿನ್ಜಿಯಾಂಗ್ ಪ್ರಾಂತ್ಯದ ಕಶ್ಗರ್ ನಗರವನ್ನು ಸಂಪರ್ಕಿಸುತ್ತದೆ.

ವಿತ್ತೀಯ ಸಾಕ್ಷರತ ಅಭಿಯಾನವನ್ನು ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ದಿ ಸಚಿವಾಲಯ ಆರಂಭಿಸಿದೆ. ನಗದು ರಹಿತ ಆರ್ಥಿಕತೆ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸಲು ಅಭಿಯಾನವನ್ನು ಆರಂಭಿಸಲಾಗಿದೆ.

ಪುದುಚೇರಿಯ ಇರುಲರ್ ಸಮುದಾಯಕ್ಕೆ ರಾಷ್ಟ್ರಪತಿ ಪ್ರಣಭ್ ಮುಖರ್ಜಿ ರವರು ಡಿಸೆಂಬರ್ 23, 2016 ರಂದು ಪರಿಶಿಷ್ಠ ಪಂಗಡಕ್ಕೆ ಪಟ್ಟಿಗೆ ಸೇರ್ಪಡೆಗೊಳಿಸಲು ಅನುಮೋದನೆ ನೀಡಿದ್ದಾರೆ. ಆ ಮೂಲಕ ಪರಿಶಿಷ್ಠ ಪಂಗಡ ಸ್ಥಾನವನ್ನು ಪಡೆದ ಪುದುಚೇರಿಯ ಮೊದಲ ಸಮುದಾಯವಾಗಿದೆ.

ಶಿವ ಕೇಶವನ್ ರವರು 2016 ಏಷ್ಯಾ ಲ್ಯೂಜ್ ಚಾಂಪಿಯನ್ ಷಿಪ್ ನಲ್ಲಿ ಚಿನ್ನದ ಪದಕವನ್ನು ಗೆದ್ದುಕೊಂಡರು. ಜಪಾನಿನ ನಗೋಯದಲ್ಲಿ ಈ ಚಾಂಪಿಯನ್ ಷಿಪ್ ಅನ್ನು ಆಯೋಜಿಸಲಾಗಿತ್ತು.

ರಾಷ್ಟ್ರೀಯ ರೈತರ ದಿನವನ್ನು ಡಿಸೆಂಬರ್ 23ರಂದು ಪ್ರತಿ ವರ್ಷ ಆಚರಿಸಲಾಗುತ್ತದೆ. ಭಾರತದ ಮಾಜಿ ಪ್ರಧಾನಿ ಚೌಧರಿ ಚರಣ್ ಸಿಂಗ್ ರವರ ಜನ್ಮದಿನವನ್ನು ರಾಷ್ಟ್ರೀಯ ರೈತರ ದಿನವನ್ನಾಗಿ ಆಚರಿಸಲಾಗುತ್ತದೆ.

ಗುರು ಶಿಖರ ರಾಜಸ್ತಾನದ ಅರ್ಬುಡ ಪರ್ವತದಲ್ಲಿರು ಶಿಖರ. ಗುರು ಶಿಖರ ಅರಾವಳಿ ಪರ್ವತ ಶ್ರೇಣಿಯ ಅತ್ಯಂತ ಎತ್ತರದ ಶಿಖರ. ಇದರ ಎತ್ತರ 1,722 ಮೀಟರ್.