ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್- ಫೆಬ್ರವರಿ ,23,2017

ಒರಿಯೆಂಟಲ್ ಬ್ಯಾಂಕ್ ಆಫ್ ಕಾಮರ್ಸ್ ತನ್ನ ಗ್ರಾಹಕರಿಗೆ 75ನೇ ಸಂಸ್ಥಾಪನ ದಿನದ ಅಂಗವಾಗಿ Bataua ಮೊಬೈಲ್ ವ್ಯಾಲೆಟ್ ಬಿಡುಗಡೆಗೊಳಿಸಿದೆ.

ವಿಶ್ವಸಂಸ್ಥೆಯ ವಿಶ್ವ ಸಾಮಾಜಿಕ ನ್ಯಾಯ ದಿನ”ವನ್ನು ಪ್ರತಿವರ್ಷ ಫೆಬ್ರವರಿ 20 ರಂದು ಆಚರಿಸಲಾಗುತ್ತದೆ. “Preventing conflict and sustaining peace through decent work” ಇದು ಈ ವರ್ಷದ ಧ್ಯೇಯವಾಕ್ಯ.

ಬಂಗಾಳಿ ಭಾಷೆಯ ಪ್ರಸಿದ್ದ ಗಾಯಕ ಬನಶ್ರೀ ಸೇನ್ ಗುಪ್ತ ಅವರು ಕಲ್ಕತ್ತಾದಲ್ಲಿ ನಿಧನರಾದರು. ಬನಶ್ರೀ ಅವರು ತಮ್ಮ ಮಧುರ ಕಂಠದಿಂದ ಜನಪ್ರಿಯರಾಗಿದ್ದರು. ಬೆಂಗಾಳಿ, ಹಿಂದಿ, ಅಸ್ಸಾಮಿ ಮತ್ತು ಒಡಿಯಾ ಸಿನಿಮಾಗಳಿಗೆ ತಮ್ಮ ಧ್ವನಿಯನ್ನು ನೀಡಿದ್ದರು.

ರಾಜಕೀಯ ವಿಡಂಬನಾತ್ಮಕ ಸಿನಿಮಾ “ನ್ಯೂಟನ್”ಗೆ 2017 ಬರ್ಲಿನ್ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ “ಇಂಟರ್ನ್ಯಾಷನಲ್ ಫೆಡರೇಷನ್ ಆಫ್ ಆರ್ಟ್ ಸಿನಿಮಾ (CICAE)” ಪ್ರಶಸ್ತಿ ಲಭಿಸಿದೆ.

“2017 ರಾಷ್ಟ್ರೀಯ ಜೀವವೈವಿಧ್ಯ ಕಾಂಗ್ರೆಸ್” ಕೇರಳದ ತಿರುವನಂತಪುರಂನಲ್ಲಿ ಫೆಬ್ರವರಿ 22 ರಿಂದ ನಡೆಯಲಿದೆ. ಕೇರಳ ರಾಜ್ಯ ಜೀವವೈವಿಧ್ಯ ಮಂಡಳಿ ಈ ಕಾಂಗ್ರೆಸ್ ಅನ್ನು ಆಯೋಜಿಸುತ್ತಿದೆ.

ಹಂಗೇರಿಯ “ಆನ್ ಬಾಡಿ ಅಂಡ್ ಸೋಲ್” ಸಿನಿಮಾಗೆ ಗೋಲ್ಡನ್ ಬೇರ್ ಪ್ರಶಸ್ತಿ ಲಭಿಸಿದೆ. ಅಲ್ಲದೇ ಇನ್ನಿತರ ಎರಡು ಪ್ರಶಸ್ತಿಗಳು ಸಹ ಈ ಸಿನಿಮಾಗೆ ನೀಡಲಾಗಿದೆ.

ಫೆಬ್ರವರಿ 23 ರಂದು ಕೇಂದ್ರ ಅಬಕಾರಿ ದಿನವನ್ನು ಆಚರಿಸಲಾಗುವುದು. ಕೇಂದ್ರ ಅಬಕಾರಿ ಮತ್ತು ಉಪ್ಪು, ಕಾಯಿದೆ-1944 ರಲ್ಲಿ ಜಾರಿಗೆ ಬಂದ ದಿನವನ್ನು ಕೇಂದ್ರ ಅಬಕಾರಿ ದಿನವೆಂದು ಆಚರಿಸಲಾಗುತ್ತದೆ.

ಕೇರಳ ಸರ್ಕಾರ ತನ್ನ ರಾಜ್ಯದ ಸರ್ಕಾರಿ ಅಧಿಕಾರಿಗಳಿಗೆ ಆರು ದಿನಗಳ ಭ್ರಷ್ಟಾಚಾರ ವಿರೋಧಿ ತರಭೇತಿಯನ್ನು ಕಡ್ಡಾಯಗೊಳಿಸಲಿದೆ. ದೇಶದಲ್ಲೆ ಇದೆ ಮೊದಲ ಬಾರಿಗೆ ಇಂತಹ ತರಭೇತಿಯನ್ನು ಜಾರಿಗೆ ತರಲಾಗುತ್ತಿದೆ.

ಅಹಮದಬಾದ್ ಮೂಲದ ಎಂಟರ್ಪ್ರೆನರ್ಶಿಪ್ ಡೆವೆಲಪ್ಮೆಂಟ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಗೆ 2016-17 ಇಂಟರ್ನ್ಯಾಷನಲ್ ಮರ್ಕ್ಯೂರಿ ಪ್ರಶಸ್ತಿಯನ್ನು ನೀಡಲಾಗಿದೆ.

13ನೇ ರಾಷ್ಟ್ರೀಯ ಕೃಷಿ ವಿಜ್ಞಾನ ಸಮಾವೇಶ ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಫೆಬ್ರವರಿ 22 ರಂದು ಆರಂಭಗೊಂಡಿತು. ನಾಲ್ಕು ದಿನಗಳ ಕಾಲ ಈ ಸಮಾವೇಶ ನಡೆಯಲಿದ್ದು, ಕೃಷಿ ವಿಶ್ವವಿದ್ಯಾಲಯ ಬೆಂಗಳೂರು, ಐಸಿಎಆರ್ ಹಾಗೂ ನ್ಯಾಷನಲ್ ಅಕಾಡೆಮಿ ಆಫ್ ಅಗ್ರಿಕಲ್ಚರ್ ಸೈನ್ಸ್ ಜಂಟಿಯಾಗಿ ಆಯೋಜಿಸುತ್ತಿವೆ. “Climate Smart Agriculture” ಸಮಾವೇಶದ ಧ್ಯೇಯವಾಕ್ಯವಾಗಿದೆ.