ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್-ಅಕ್ಟೋಬರ್,1,2,2017

ಘಾನಾ ಮೂಲದ ಭಾರತೀಯ ವಾಣಿಜ್ಯೋದ್ಯಮಿಯಾದ ಬಿರೇಂದ್ರ ಸಸ್ಮಾಲ್ ಅವರು ಲಂಡನಿನ ಏಷಿಯಾ ಅಚೀವರ್ಸ್ ಪ್ರಶಸ್ತಿಗಳಲ್ಲಿ ಪ್ರತಿಷ್ಠಿತ ಇಂಟರ್ನ್ಯಾಷನಲ್ ಬಿಸಿನೆಸ್ ಪರ್ಸನ್ ಆಫ್ ದಿ ಇಯರ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ.

ಉತ್ತರ ಪ್ರದೇಶದ 1984 ಬ್ಯಾಚ್ ಐಪಿಎಸ್ ಅಧಿಕಾರಿ, ರಜನಿ ಕಾಂತ್ ಮಿಶ್ರಾ ರವರು ಸಶಸ್ತ್ರ ಸೀಮಾ ಬಲದ ನೂತನ ನಿರ್ದೇಶಕ ಜನರಲ್ (ಡಿ.ಜಿ) ಆಗಿ ನೇಮಕಗೊಂಡಿದ್ದಾರೆ.

ಅಂತಾರಾಷ್ಟ್ರೀಯ ಹಿರಿಯ ವ್ಯಕ್ತಿಗಳ ದಿನವನ್ನು ಅಕ್ಟೋಬರ್ 1, 2017 ರಂದು ಆಚರಿಸಲಾಗುತ್ತಿದೆ. ಹಿರಿಯರ ಮೇಲೆ ಪರಿಣಾಮ ಬೀರುವ ವಿಷಯಗಳ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ. 2017ರ ಥೀಮ್ Stepping into the Future: Tapping the Talents, Contributions and Participation of Older Persons in Society”.

ವಿಶ್ವ ಸರ್ಕಾರ ಶೃಂಗಸಭೆಯ (WHS) ಆರನೇ ಆವೃತ್ತಿ ಫೆಬ್ರವರಿ 11 ರಿಂದ 13, 2018 ಯುಎಇ ದುಬೈನಲ್ಲಿ ನಡೆಯಲಿದೆ. ಭಾರತವು ಈ ಶೃಂಗಸಭೆಯಲ್ಲಿ ಗೌರವಾನ್ವಿತ ಅತಿಥಿಯಾಗಲಿದೆ.

ಮಹಾತ್ಮ ಗಾಂಧಿಯವರ ಜನ್ಮದಿನೋತ್ಸವದ ಸಂದರ್ಭದಲ್ಲಿ ಬಾಲ್ಯ ವಿವಾಹ ಮತ್ತು ವರದಕ್ಷಿಣೆ ವಿರುದ್ಧ ಬಿಹಾರ ಸರಕಾರವು ರಾಜ್ಯದಾದ್ಯಂತ ಅಭಿಯಾನವನ್ನು ಪ್ರಾರಂಭಿಸಿದೆ. ಈ ಅಭಿಯಾನದಲ್ಲಿ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹುಡುಗಿಯನ್ನು ಅಥವಾ 21 ವರ್ಷಕ್ಕಿಂತ ಕೆಳಗಿರುವ ಹುಡುಗನನ್ನು ವಿವಾಹವಾಗಲು ಅಥವಾ ವರದಕ್ಷಿಣೆ ಪಡೆಯಲು ಪಾಲ್ಗೊಳ್ಳಬಾರದೆಂದು ಜನರಿಂದ ಪ್ರತಿಜ್ಞೆ ಪಡೆಯಲಾಗುವುದು.

ಲಲಿತಕಲಾ ಅಕಾಡೆಮಿ ಮುಖ್ಯಸ್ಥರೂ ಆದ ಹಿರಿಯ ಕಲಾವಿದ ಚಿ.ಸು.ಕೃಷ್ಣಸೆಟ್ಟಿ ಅವರಿಗೆ 'ರಷ್ಯನ್ ಅಕಾಡೆಮಿ ಆಫ್ ಆರ್ಟ್ಸ್' ನ ಗೌರವ ಸದಸ್ಯತ್ವ ನೀಡಲಾಗಿದೆ. ಝುಬಿನ್ ಮೆಹ್ತಾ, ಬಾನ್ ಕಿ ಮೂನ್ ಮುಂತಾದ 84 ಗಣ್ಯರು ಮತ್ತು ಕಲಾವಿದರು ಈವರೆಗೆ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ. ಭಾರತದಿಂದ ಸತೀಶ್ ಗುಜ್ರಾಲ್, ಓ.ಪಿ.ಶರ್ಮ ಅವರ ನಂತರ ಈ ಗೌರವವನ್ನು ಪಡೆದಿರುವ ಮೂರನೆಯವರು ಕೃಷ್ಣಸೆಟ್ಟಿ.

3ನೇ ರಾಷ್ಟ್ರೀಯ ವನ್ಯಜೀವಿ ಕ್ರಿಯಾ ಯೋಜನೆ 2017-2031 ಅನ್ನು ಇತ್ತೀಚೆಗೆ ನವದೆಹಲಿಯ ಜಾಗತಿಕ ವನ್ಯಜೀವಿ ಕಾರ್ಯಕ್ರಮ ಸಮ್ಮೇಳನದಲ್ಲಿ ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವ ಡಾ. ಹರ್ಷವರ್ಧನ್ ರವರು ಅನಾವರಣಗೊಳಿಸಿದರು. ಈ ಕ್ರಿಯಾಯೋಜನೆಯನ್ನು ತಯಾರಿಸುವ ಸಲುವಾಗಿ 12 ಸದಸ್ಯರ ಸಮಿತಿಯನ್ನು ರಚಿಸಲಾಗಿತ್ತು. ಸಚಿವಾಲಯದ ಮಾಜಿ ಕಾರ್ಯದರ್ಶಿ JC ಕಲಾ ಸಮಿತಿಯ ಅಧ್ಯಕ್ಷರಾಗಿದ್ದರು.

ಭಾರತದಲ್ಲಿ ವಿಪತ್ತು ನಿರ್ವಹಣೆ ಒದಗಿಸಲು "ರಿಲೀಫ್ 123" ಸೇವೆಯನ್ನು ಪ್ರಾರಂಭಿಸಲು ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ಎನ್ಎಲ್) ಮತ್ತು ವಿಹಾನ್ ನೆಟ್ವರ್ಕ್ಸ್ ಲಿಮಿಟೆಡ್ (ವಿಎನ್ಎಲ್) ಒಡಂಬಡಿಕೆ ಒಪ್ಪಂದಕ್ಕೆ ಸಹಿ ಮಾಡಿವೆ. "