ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್- ಫೆಬ್ರವರಿ,7,8,2022

ಇಥಿಯೋಪಿಯ
ಆಫ್ರಿಕನ್ ಯೂನಿಯನ್ ಶೃಂಗಸಭೆ 2022 ಇತ್ತೀಚೆಗೆ ಇಥಿಯೋಪಿಯಾದ ಆಫ್ರಿಕಾ ಒಕ್ಕೂಟದ ಪ್ರಧಾನ ಕಚೇರಿ ಅಡಿಸ್ ಅಬಾಬಾದಲ್ಲಿ ಪ್ರಾರಂಭವಾಯಿತು. ಆಫ್ರಿಕಾ ಖಂಡದಲ್ಲಿ ಹಲವಾರು ಮಿಲಿಟರಿ ಕ್ಷಿಪ್ರಕ್ರಾಂತಿಗಳು ಮತ್ತು ಕೊರೊನಾ ವೈರಸ್ ಸಾಂಕ್ರಾಮಿಕದ ನಡುವೆಯು ಶೃಂಗಸಭೆಯನ್ನು ಆಯೋಜಿಸಲಾಯಿತು.

ಅರುಣಾಚಲ ಪ್ರದೇಶ
ಝೂಲಾಜಿಕಲ್ ಸರ್ವೇ ಆಫ್ ಇಂಡಿಯಾದ ವಿಜ್ಞಾನಿಗಳು ಅರುಣಾಚಲ ಪ್ರದೇಶದಲ್ಲಿ White Cheeked Macaque ಎಂಬ ಹೊಸ ಸಸ್ತನಿ ಪ್ರಭೇದವನ್ನು ಕಂಡುಕೊಂಡಿದ್ದಾರೆ. ಈ ಪ್ರಭೇದವು ಮೊದಲ ಬಾರಿಗೆ ಚೀನಾದಲ್ಲಿ 2015ರಲ್ಲಿ ಕಂಡು ಹಿಡಿಯಲಾಯಿತು. ಈ ಮೊದಲು ಭಾರತದಲ್ಲಿ ಇದರ ಅಸ್ತಿತ್ವ ತಿಳಿದಿರಲಿಲ್ಲ.

ಮುಂಬೈ
ಜಿಯೋ-ಲೊಕೇಶನ್ ತಂತ್ರಜ್ಞಾನ ತಜ್ಞ ಟಾಮ್ ಟಾಮ್ ತನ್ನ ವಾರ್ಷಿಕ ಟಾಮ್ ಟಾಮ್ ಟ್ರಾಫಿಕ್ ಇಂಡೆಕ್ಸ್ ನ 11 ನೇ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಇದು 2021ರ ಅವಧಿಯಲ್ಲಿ 58 ದೇಶಗಳ 404 ನಗರಗಳಲ್ಲಿ ಕಂಡುಬರುವ ಸಂಚಾರ ಪ್ರವೃತ್ತಿಗಳನ್ನು ವಿಶ್ಲೇಷಿಸುವ ವರದಿಯಾಗಿದೆ. ಭಾರತದ ನಾಲ್ಕು ನಗರಗಳು ಸೂಚ್ಯಂಕದ ಜಾಗತಿಕ ಟಾಪ್-25 ಪಟ್ಟಿಯಲ್ಲಿ ಕಾಣಿಸಿಕೊಂಡಿವೆ, ಅವುಗಳೆಂದರೆ ಮುಂಬೈ (5ನೇ ಸ್ಥಾನ), ಬೆಂಗಳೂರು (10ನೇ ಸ್ಥಾನ), ನವದೆಹಲಿ (11ನೇ ಸ್ಥಾನ) ಮತ್ತು ಪುಣೆ (21ನೇ ಸ್ಥಾನ).

ಆಸ್ಟ್ರೇಲಿಯಾ
ಆಸ್ಟ್ರೇಲಿಯಾ ಇತ್ತೀಚೆಗೆ ಕೋಲಾವನ್ನು ಅಳಿವಿನಂಚಿನಲ್ಲಿರುವ ಪ್ರಭೇದ ಎಂದು ಹೆಸರಿಸಿದೆ. 10 ವರ್ಷಗಳ ಹಿಂದೆ ದುರ್ಬಲ ಪ್ರಭೇದ ಎಂದು ವರ್ಗೀಕರಿಸಲಾಗಿತ್ತು.ದೀರ್ಘಕಾಲದ ಬರಗಾಲ, ಬೇಸಿಗೆಯಲ್ಲಿ ಕಾಡ್ಗಿಚ್ಚು, ನಗರೀಕರಣ ಮತ್ತು ಆವಾಸಸ್ಥಾನದ ನಷ್ಟ ಈ ನಿರ್ಧಾರಕ್ಕೆ ಕಾರಣವಾಗಿವೆ.

ಸೂರ್ಯ
ನಾಸಾ ಎರಡು ಹೊಸ ವಿಜ್ಞಾನ ಕಾರ್ಯಾಚರಣೆಗಳನ್ನು ಘೋಷಿಸಿದೆ, ಅವುಗಳೆಂದರೆ ಮಲ್ಟಿ-ಸ್ಲಿಟ್ ಸೋಲಾರ್ ಎಕ್ಸ್ ಪ್ಲೋರರ್ (ಮ್ಯೂಸ್) ಮತ್ತು ಹೆಲಿಯೋಸ್ವಾರ್ಮ್. ಈ ಎರಡು ಕಾರ್ಯಾಚರಣೆಗಳು ಸೂರ್ಯನ ಕೊರೊನಾವನ್ನು ಅಧ್ಯಯನ ಮಾಡುವ ಮತ್ತು ಸೌರ ಗಾಳಿಯ ಕಾಂತೀಯ ಕ್ಷೇತ್ರವನ್ನು ಅಳೆಯುವ ಗುರಿಯನ್ನು ಹೊಂದಿವೆ.

ಜೀವಾ
ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ (ನಬಾರ್ಡ್) ಇತ್ತೀಚೆಗೆ ಕೃಷಿ ಪರಿಸರ ವಿಜ್ಞಾನ ಆಧಾರಿತ ಕಾರ್ಯಕ್ರಮ ಜೀವಾವನ್ನು ಪ್ರಾರಂಭಿಸಿದೆ. ಇದು ಐದು ಕೃಷಿ ಪರಿಸರ ವಲಯಗಳನ್ನು ಒಳಗೊಂಡ 11 ರಾಜ್ಯಗಳಲ್ಲಿ ನಬಾರ್ಡ್ನ ಜಲಾನಯನ ಮತ್ತು ವಾಡಿ ಕಾರ್ಯಕ್ರಮಗಳ ಅಡಿಯಲ್ಲಿ ನೈಸರ್ಗಿಕ ಕೃಷಿಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ.

46
ಇತ್ತೀಚೆಗೆ ಬಿಡುಗಡೆಯಾದ EIUನ ಪ್ರಜಾಪ್ರಭುತ್ವ ಸೂಚ್ಯಂಕ ವರದಿಯಲ್ಲಿ ಭಾರತ 46ನೇ ಸ್ಥಾನದಲ್ಲಿದೆ. ಜಾಗತಿಕ ಸೂಚ್ಯಂಕದಲ್ಲಿ ಭಾರತ 6.91 ಅಂಕ ಗಳಿಸಿದೆ. ನಾರ್ವೆ ಮತ್ತು ನ್ಯೂಜಿಲ್ಯಾಂಡ್ ಕ್ರಮವಾಗಿ ಮೊದಲ ಎರಡು ಸ್ಥಾನಗಳನ್ನು ಪಡೆದರೆ, ಉತ್ತರ ಕೊರಿಯಾ, ಮ್ಯಾನ್ಮಾರ್, ಆಫ್ಘಾನಿಸ್ತಾನ ವು ಕೊನೆಯ ಸ್ಥಾನದಲ್ಲಿವೆ.

ಆಂಧ್ರ ಪ್ರದೇಶ
ಗಾಂಜಾ ಕೃಷಿಯನ್ನು ತೊಡೆದುಹಾಕಲು ಆಂಧ್ರಪ್ರದೇಶ ಪೊಲೀಸರು ‘ಆಪರೇಶನ್ ಪರಿವರ್ತನ್’ ಎಂಬ ವಿಶೇಷ ಕಾರ್ಯಾಚರಣೆ ಪ್ರಾರಂಭಿಸಿದ್ದಾರೆ.

ಆಫ್ಘಾನಿಸ್ತಾನವಿಶ್ವಸಂಸ್ಥೆಯ ವಿಶ್ವ ಆಹಾರ ಕಾರ್ಯಕ್ರಮ (ಡಬ್ಲ್ಯುಎಫ್ ಪಿ)ದೊಂದಿಗೆ 50,000 ಮೆಟ್ರಿಕ್ ಟನ್ ಗೋಧಿಯನ್ನು ಆಫ್ಘಾನಿಸ್ತಾನಕ್ಕೆ ವಿತರಣೆ ಮಾಡಲು ಭಾರತ ಒಪ್ಪಂದಕ್ಕೆ ಸಹಿ ಹಾಕಿದೆ.

ಹೆಚ್ಐವಿ
ವೈರಾಲಜಿಯಲ್ಲಿ ಖ್ಯಾತರಾಗಿದ್ದ ಲೂಕ್ ಮೊಂಟಾಗ್ನಿಯರ್ ತಮ್ಮ 89ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ. 1983ರಲ್ಲಿ ಏಡ್ಸ್‌ಗೆ ಕಾರಣವಾಗುವ ವೈರಸ್‌ ಅನ್ನು ಕಂಡು ಹಿಡಿದರು. ಎಚ್ಐವಿ ಅಂದರೆ ಹ್ಯೂಮನ್ ಇಮ್ಯುನೋ ಡಿಫಿಶಿಯನ್ಸಿ ವೈರಸ್ (Human Immunodeficiency Virus) ಅನ್ನು ಗುರುತಿಸಿದ ತಂಡವನ್ನು ಇವರು ಮುನ್ನಡೆಸಿದ್ದರು. ಈ ಮೂಲಕ 2008ರಲ್ಲಿ ವೈದ್ಯಕೀಯ ನೊಬೆಲ್ ಪ್ರಶಸ್ತಿ ಲೂಕ್ ಅವರನ್ನು ಹುಡುಕಿಬಂದಿತ್ತು. ತಮ್ಮ ಸಹೋದ್ಯೋಗಿ ಫ್ರಾಂಕೋಯಿಸ್ ಬ್ಯಾರೆ ಸಿನೋಸ್ಸಿ ಜೊತೆ ಪ್ರಶಸ್ತಿ ಹಂಚಿಕೊಂಡಿದ್ದರು.