ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಏಪ್ರಿಲ್-3, 4

ಏಪ್ರಿಲ್ 2:

ವಿಶ್ವ ಸ್ವಲೀನತೆ ದಿನವನ್ನು ಪ್ರತಿ ವರ್ಷ ಏಪ್ರಿಲ್ 2 ರಂದು ಆಚರಿಸಲಾಗುತ್ತಿದೆ. ಡಿಸೆಂಬರ್ 18, 2007 ರಲ್ಲಿ ವಿಶ್ವಸಂಸ್ಥೆ ಏಪ್ರಿಲ್ 2 ಅನ್ನು ವಿಶ್ವ ಸ್ವಲೀನತೆ ದಿನವೆಂದು ಆಚರಿಸಲು ಮೊದಲ ಬಾರಿಗೆ ನಿರ್ಣಯಿಸುವ ಮೂಲಕ ಸ್ವಲೀನತೆ ಕಾಯಲೆ ಬಗ್ಗೆ ವಿಶ್ವವ್ಯಾಪ್ತಿ ಅರಿವು ಮೂಡಿಸುವ ಧ್ಯೇಯವನ್ನು ಹೊಂದಿದೆ.

ಮುಂಬೈ-ಅಹಮದಬಾದ್: ಭಾರತದ ಮೊದಲ ಬುಲೆಟ್ ರೈಲು ಮುಂಬೈ-ಅಹಮದಬಾದ್ ನಡುವೆ ಸಂಚರಿಸಲಿದೆ. ಬುಲೆಟ್ ರೈಲು ಯೋಜನೆಯ ಅಂದಾಜು ಮೊತ್ತ ಸುಮಾರು ರೂ 97,386 ಕೋಟಿ ಆಗಿದ್ದು, ಇದರಲ್ಲಿ ಯೋಜನೆಯ ಶೇ 81% ರಷ್ಟು ಮೊತ್ತವನ್ನು ಜಪಾನ್ ನಿಂದ ಭಾರತ ಸಾಲವಾಗಿ ಪಡೆಯಲಿದೆ. ಮುಂಬೈ-ಅಹಮದಬಾದ್ ನಡುವೆ ಇರುವ 508 ಕಿ.ಮೀ ಅಂತರವನ್ನು ಈ ರೈಲು ಕೇವಲ ಎರಡು ಗಂಟೆ ಅವಧಿಯಲ್ಲಿ ಕ್ರಮಿಸಲಿದೆ. ಸದ್ಯ ಈ ಎರಡು ನಗರಗಳ ನಡುವೆ ಸಂಚರಿಸುತ್ತಿರುವ ಡ್ಯುರಂಟ್ ರೈಲು 7 ಗಂಟೆ ಅವಧಿಯಲ್ಲಿ ಮುಂಬೈ-ಅಹಮದಬಾದ್ ನಡುವೆ ಸಂಚರಿಸುತ್ತಿದೆ.

ಮಧ್ಯಪ್ರದೇಶ: ವಿಶ್ವದ ಮೊದಲ ಬಿಳಿ ಹುಲಿ ಸಫಾರಿ ಯನ್ನು ಮಧ್ಯಪ್ರದೇಶದ ಸಾತ್ನ ಜಿಲ್ಲೆಯ ಮುಕುಂದಪುರದಲ್ಲಿ ಇತ್ತೀಚೆಗೆ ತೆರೆಯಲಾಯಿತು. ಸುಮಾರು ರೂ 50 ಕೋಟಿ ವೆಚ್ಚದಲ್ಲಿ ಹಾಗೂ 25 ಹೆಕ್ಟೇರ್ ವಿಸ್ತೀರ್ಣದಲ್ಲಿ ಈ ಸಫಾರಿಯನ್ನು ಅಭಿವೃದ್ದಿಪಡಿಸಲಾಗಿದೆ. ಈ ಸಫಾರಿಯಲ್ಲಿ ಮೂರು ಬಿಳಿ ಹುಲಿಗಳನ್ನು ಮತ್ತು ಎರಡು ಬೆಂಗಾಳ ಹುಲಿಗಳು ಸಾರ್ವಜನಿಕರಿಗೆ ಮುಕ್ತವಾಗಿದ್ದು, ನೋಡಿ ಆನಂದಿಸಬಹುದಾಗಿದೆ.

ನಿವೃತ್ತ ಸುಪ್ರೀಂ ಕೋರ್ಟ್ ಮುಖ್ಯನ್ಯಾಯಾಧೀಶರು: ರಾಷ್ಟ್ರೀಯ ಮಾನವ ಹಕ್ಕು ಆಯೋಗ ಶಾಸನಬದ್ದ ಸಂಸ್ಥೆಯಾಗಿದ್ದು, 12 ನೇ ಅಕ್ಟೋಬರ್ 1993 ರಲ್ಲಿ ಸ್ಥಾಪಿಸಲಾಗಿದೆ. ಆಯೋಗದ ಅಧ್ಯಕ್ಷರು ಖಡ್ಡಾಯವಾಗಿ ನಿವೃತ್ತ ಸುಪ್ರೀಂ ಕೋರ್ಟ್ ಮುಖ್ಯನ್ಯಾಯಾಧೀಶರಾಗಿದ್ದು, ಪ್ರಸ್ತುತ ಎಚ್, ಎಲ್, ದತ್ತು ರವರು ಆಯೋಗದ ಅಧ್ಯಕ್ಷರಾಗಿದ್ದಾರೆ. ಉಳಿದಂತೆ ಓಬ್ಬ ನಿವೃತ್ತ ಅಥವಾ ಹಾಲಿ ಸುಪ್ರೀಂಕೋರ್ಟ್ ನ್ಯಾಯಾಧೀಶರು, ಓಬ್ಬ ನಿವೃತ್ತ ಅಥವಾ ಹಾಲಿ ಹೈಕೋರ್ಟ್ ನ ಮುಖ್ಯನ್ಯಾಯಾಧೀಶರು ಹಾಗೂ ಮಾನವ ಹಕ್ಕು ಕ್ಷೇತ್ರದಲ್ಲಿ ನಿಪುಣತೆಹೊಂದಿರುವ ಇಬ್ಬರನ್ನು ಆಯೋಗದ ಸದಸ್ಯರಾಗಿರುತ್ತಾರೆ.

ನರೇಂದ್ರ ಮೋದಿ: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ರವರಿಗೆ ಸೌದಿ ಅರೇಬಿಯಾ ಅತ್ಯುನ್ನತ ನಾಗರೀಕ ಪ್ರಶಸ್ತಿಯಾದ “ದಿ ಕಿಂಗ್ ಅಬ್ದುಲಝೀಜ್ ಸಶ್” ಅನ್ನು ನೀಡಿ ಗೌರವಿಸಲಾಯಿತು. ಆಧುನಿಕ ಸೌದಿ ರಾಜ್ಯದ ಸಂಸ್ಥಾಪಕ ಅಬ್ದುಲಝೀಜ್ ಅಲ್ ಸಾದ್ ಸ್ಮರಣಾರ್ಥ ಸ್ಥಾಪಿಸಿರುವ ಈ ಪ್ರಶಸ್ತಿಯನ್ನು ಸೌದಿ ದೊರೆ ಸಲ್ಮಾನ್ ಬಿನ್ ಅಬ್ದುಲಝೀಜ್ ರವರು ಮೋದಿರವರಿಗೆ ನೀಡಿ ಗೌರವಿಸಿದರು.

ಚೀನಾ: ಯುನೈಟೆಡ್ ನೇಷನ್ಸ್ ಇಂಡಸ್ಟ್ರೀಯಲ್ ಡೆವಲಪ್ ಮೆಂಟ್ ಆರ್ಗನೈಸಷನ್ (UNIDO) ಇತ್ತೀಚಗೆ ಬಿಡುಗಡೆ ಮಾಡಿದ ವರದಿ ಪ್ರಕಾರ ಚೀನಾ ವಿಶ್ವದ ಅತಿ ದೊಡ್ಡ ಉತ್ಪಾದನ ರಾಷ್ಟ್ರವಾಗಿ ಹೊರಹೊಮ್ಮಿದೆ. ಭಾರತ ಈ ಪಟ್ಟಿಯಲ್ಲಿ 6 ನೇ ಸ್ಥಾನವನ್ನು ಗಿಟ್ಟಿಸಿಕೊಂಡಿದೆ. ಪಟ್ಟಿಯಲ್ಲಿ ಚೀನಾ ನಂತರ ಅಮೇರಿಕಾ, ಜಪಾನ್, ಜರ್ಮನಿ ಮತ್ತು ಕೊರಿಯಾ ಟಾಪ್ ಐದು ಸ್ಥಾನದಲ್ಲಿವೆ.

118 ನೇ ತಿದ್ದುಪಡಿ: ಹೈದ್ರಾಬಾದ್-ಕರ್ನಾಟಕ ಪ್ರದೇಶದ ಆರು ಜಿಲ್ಲೆಗಳಿಗೆ ವಿಶೇಷ ಸ್ಥಾನಮಾನ ನೀಡುವ ಅನುಚ್ಛೇದ 371 (ಜೆ) ಒಳಗೊಂಡ ಸಂವಿಧಾನದ 118ನೇ ತಿದ್ದುಪಡಿಗೆ ಲೋಕಸಭೆ ಡಿಸೆಂಬರ್ 18, 2012 ರಂದು ಅನುಮೋದನೆ ನೀಡಿತು. ಮರುದಿನ ಅಂದರೆ ಡಿಸೆಂಬರ್ 19, 2012 ರಲ್ಲಿ ರಾಜ್ಯಸಭೆ ಅನುಮೋದನೆ ನೀಡಿತು.

1970-71: 1970-71 ರಿಂದ ಭಾರತ ಸರ್ಕಾರ ಐದು ವರ್ಷಕ್ಕೊಮ್ಮೆ ಕೃಷಿ ಗಣತಿಯನ್ನು ಕೈಗೊಳ್ಳಲಾಗುತ್ತಿದೆ. ಕೃಷಿ ತಗುಲುವ ವೆಚ್ಚವನ್ನು ಸಂಪೂರ್ಣವಾಗಿ ಕೇಂದ್ರ ಸರ್ಕಾರ ನೀಡುತ್ತಿದ್ದು, ಗಣತಿಯನ್ನು ನಡೆಸುವ ಹೊಣೆ ರಾಜ್ಯ ಸರ್ಕಾರದಗಿರುತ್ತದೆ.

ನೊವಾಕ್ ಜೊಕೊವಿಕ್ ಮತ್ತು ವಿಕ್ಟೊರಿಕ ಅಝರೆಕಾ: ನೊವಾಕ್ ಜೊಕೊವಿಕ್ ಮಿಯಾಮಿ ಓಪನ್ ಸಿಂಗಲ್ಸ್ ನಲ್ಲಿ ಜಪಾನ್ ಕೀ ನಿಷಿಕೊರಿ ಅವರನ್ನು 6-3, 6-3 ರಲ್ಲಿ ಮಣಿಸುವ ಮೂಲಕ ವಿಜೇತರಾದರು. ಇನ್ನು ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಬೆಲಾರಸ್ ನ ವಿಕ್ಟೋರಿಯಾ ಅಝರೆಕಾ ರಷ್ಯಾದ ಸ್ವೆಟಲನಾ ಕುಜ್ಞೆಸ್ಟೊವ ಅವರನ್ನು ಸೋಲಿಸಿ ಪ್ರಶಸ್ತಿಯನ್ನ ಮುಡಿಗೇರಿಸಿಕೊಂಡರು.

ಡಿಸಿಬಿ ಬ್ಯಾಂಕ್: ದೇಶದ ಮೊದಲ ಆಧಾರ್ ಕಾರ್ಡ್ ಆಧಾರಿತ ಎಟಿಎಮ್ ಸೇವೆಯನ್ನು ಡಿಸಿಬಿ ಬ್ಯಾಂಕ್ ಅನಾವರಣಗೊಳಿಸಿತು. ಎಟಿಎಮ್/ಡೆಬಿಟ್ ಕಾರ್ಡ್ ಬಳಕೆ ಹೊರತಾಗಿ ಈ ಎಟಿಎಮ್ ಆಧಾರ್ ನಂಬರ್ ಮತ್ತು ಆಧಾರ್ ಬೆರಳಚ್ಚನ್ನು ಬಳಸಿ ಹಣ ಪಡೆಯಬಹುದಾಗಿದೆ. ಈ ಸೇವೆಗೆ ಯಾವುದೇ ಕಾರ್ಡ್ ಅಥವಾ ಪಿನ್ ಬಳಕೆಯ ಅಗತ್ಯವಿಲ್ಲ.