ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್-ಜನವರಿ,8,9,2022

ವಿಶೇಷ ಭದ್ರತಾ ಪಡೆ
ಬ್ಲೂ ಬುಕ್ ಎಂಬುದು ಪ್ರಧಾನ ಮಂತ್ರಿಯವರು ಭದ್ರತೆಯನ್ನು ಹೇಗೆ ಕೈಗೊಳ್ಳಬೇಕು ಎಂಬ ನಿಯಮಗಳನ್ನು ಒಳಗೊಂಡಿದ್ದು, ಈ ನಿಯಮಗಳನ್ನು ಜಾರಿಗೊಳಿಸುವ ಹೊಣೆಯು ಪ್ರಧಾನ ಮಂತ್ರಿಯವರ ರಕ್ಷಣಾ ಜವಾಬ್ದಾರಿಯನ್ನು ಹೊಂದಿರುವ ವಿಶೇಷ ಭದ್ರತಾ ದಳ (ಎಸ್ ಪಿ ಜಿ)ದ್ದು ಆಗಿರುತ್ತದೆ.

ವಿಶ್ವಸಂಸ್ಥೆ-ಡ್ಲೂಎಫ್ ಪಿ
ವಿಶ್ವಸಂಸ್ಥೆಯ ವಿಶ್ವ ಆಹಾರ ಕಾರ್ಯಕ್ರಮ (WFP) ಪ್ರಧಾನ ಮಂತ್ರಿ ಪೋಷಣ ಶಕ್ತಿ ನಿರ್ಮಾಣ್ (PM-POSHAN) ಯೋಜನೆಯ ಪರಿಣಾಮಕಾರಿ ಅನುಷ್ಠಾನಕ್ಕಾಗಿ ಅಕ್ಷಯ ಪಾತ್ರ ಫೌಂಡೇಶನ್‌ನೊಂದಿಗೆ ಕೈಜೋಡಿಸಿದೆ. ವಿಶ್ವ ಆಹಾರ ಕಾರ್ಯಕ್ರಮವು ಶಾಲಾ ಪೋಷಣೆಯನ್ನು ಬೆಂಬಲಿಸುವಲ್ಲಿ ಮತ್ತು ಮಕ್ಕಳಲ್ಲಿ ಪೌಷ್ಟಿಕಾಂಶವನ್ನು ಸುಧಾರಿಸುವಲ್ಲಿ 6 ದಶಕಗಳಿಗೂ ಹೆಚ್ಚು ಅನುಭವವನ್ನು ಹೊಂದಿದೆ. ಪ್ರಧಾನ ಮಂತ್ರಿ ಪೋಷಣ್ ಶಕ್ತಿ ನಿರ್ಮಾಣ್ ಭಾರತ ಸರ್ಕಾರದ ಪ್ರಮುಖ ಕಾರ್ಯಕ್ರಮವಾಗಿದ್ದು, ಮಕ್ಕಳು, ಗರ್ಭಿಣಿಯರು ಮತ್ತು ಹಾಲುಣಿಸುವ ತಾಯಂದಿರಿಗೆ ಪೌಷ್ಟಿಕಾಂಶದ ಫಲಿತಾಂಶಗಳನ್ನು ಸುಧಾರಿಸಲು ಜಾರಿಗೆ ತರಲಾಗಿದೆ.

ಮರ
ಕ್ಯಾಮರೂನ್‌ನಲ್ಲಿ ಪತ್ತೆಹಚ್ಚಲಾಗಿರುವ ಉಷ್ಣವಲಯದ, ನಿತ್ಯಹರಿದ್ವರ್ಣ ಮರಕ್ಕೆ ಹಾಲಿವುಡ್ ನಟ ಲಿಯೊನಾರ್ಡೊ ಡಿಕಾಪ್ರಿಯೊ ಹೆಸರನ್ನು ಇಡಲಾಗಿದೆ. ತೀವ್ರವಾಗಿ ಅಳಿವಿನಂಚಿನಲ್ಲಿರುವ ಈ ಮರವನ್ನು ಸಂರಕ್ಷಿಸಲು ರಕ್ಷಿಸಲು ಪ್ರಚಾರದ ಪ್ರಯತ್ನಗಳನ್ನು ಗುರುತಿಸಲು ‘ಯುವರಿಯೊಪ್ಸಿಸ್ ಡಿಕಾಪ್ರಿಯೊ’ ಎಂದು ಹೆಸರಿಸಲಾಗಿದೆ. ಇಲ್ಲಿಯವರೆಗೂ ಮರದ ಬಗ್ಗೆ ವಿಜ್ಞಾನಕ್ಕಾಗಲಿ ಮತ್ತು ಸ್ಥಳೀಯ ಸಮುದಾಯಗಳಿಗೆ ತಿಳಿದಿರಲಿಲ್ಲ.

ಸಿನಿಮಾ
ಹಾಲಿವುಡ್ ನ ಮೇರುನಟ ಹಾಗೂ ಆಸ್ಕರ್ ಪ್ರಶಸ್ತಿ ಪಡೆದ ಮೊದಲ ಕಪ್ಪು ಜನಾಂಗೀಯ ನಟ ಸಿಡ್ನಿ ಪಾಯಿಟರ್ ನಿಧನರಾದರು. ಪಾಯಿಟರ್ ಅವರು “ಲಿಲ್ಲೀಸ್ ಆಫ್ ದಿ ಫೀಲ್ಡ್” ಚಿತ್ರಕ್ಕಾಗಿ ಆಸ್ಕರ್ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದರು.

ಒಲಾಫ್ ಶೋಲ್ಜ್
ಒಲಾಫ್ ಶೋಲ್ಜ್ ರವರು ಜರ್ಮನಿಯ ನೂತನ ಚಾನ್ಸಲರ್ ಆಗಿ ನೇಮಕಗೊಂಡಿದ್ದಾರೆ.

ಡಿಸೆಂಬರ್ 26
ಪ್ರಸಕ್ತ ವರ್ಷದಿಂದ ಡಿಸೆಂಬರ್ 26 ಅನ್ನು ವೀರ ಬಾಲ ದಿವಸ ಆಗಿ ಆಚರಿಸಲಾಗುವುದೆಂದು ಪ್ರಧಾನಿ ಮೋದಿ ಘೋಷಿಸಿದ್ದಾರೆ. 10ನೇ ಸಿಖ್ ಗುರು ಗೋವಿಂದ್ ಸಿಂಗ್ ಅವರ ನಾಲ್ಕು ಪುತ್ರರ ಸ್ಮರಣಾರ್ಥ ಈ ದಿನವನ್ನು ವೀರ ಬಾಲ ದಿವಸವೆಂದು ಆಚರಿಸಲಾಗುವುದು. ಗುರು ಗೋವಿಂದ್ ಸಿಂಗ್ ಮಕ್ಕಳಾದ ಸಾಹಿಬ್ಜಾದಾ ಜೋರಾವರ್ ಸಿಂಗ್ ಜಿ ಮತ್ತು ಸಾಹಿಬ್ಜಾದಾ ಪಾತೇಹ್ ಸಿಂಗ್ ಜಿ ರವರನ್ನು ಜೀವಂತವಾಗಿ ಹೂತೂ ಹಾಕಿದ ದಿನ ಇದಾಗಿದೆ.

ಶೇ 9.2
ರಾಷ್ಟ್ರೀಯ ಸಾಂಖ್ಯಿಕ ಕಚೇರಿ ಅಂದಾಜಿನ ಪ್ರಕಾರ ಭಾರತದ ಆರ್ಥಿಕ ಬೆಳವಣಿಗೆ ದರವು ಪ್ರಸ್ತಕ ವರ್ಷದಲ್ಲಿ ಶೇ 9.2 ರಷ್ಟು ಇರಲಿದೆ.

ಊರ್ಜಿತ್ ಪಟೇಲ್
ಭಾರತೀಯ ರಿಸರ್ವ್ ಬ್ಯಾಂಕಿನ ಮಾಜಿ ಗವರ್ನರ್ ಊರ್ಜಿತ್ ಪಟೇಲ್ ರವರು ಏಷ್ಯಾ ಮೂಲಸೌಕರ್ಯ ಹೂಡಿಕೆ ಬ್ಯಾಂಕಿನ ನೂತನ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಏಷ್ಯಾ ಮೂಲಸೌಕರ್ಯ ಹೂಡಿಕೆ ಬ್ಯಾಂಕಿನ ಕೇಂದ್ರ ಕಚೇರಿ ಬೀಜಿಂಗ್ ನಲ್ಲಿದೆ. ಭಾರತ ಈ ಬ್ಯಾಂಕಿನ ಸಂಸ್ಥಾಪಕ ಸದಸ್ಯ ರಾಷ್ಟ್ರವಾಗಿದ್ದು, ಚೀನಾ ನಂತರ ಹೆಚ್ಚಿನ ಪಾಲು ಹೊಂದಿದೆ.

ಜನವರಿ 10
ವಿಶ್ವ ಹಿಂದಿ ದಿವಸವನ್ನು ಜನವರಿ 10 ರಂದು ಆಚರಿಸಲಾಗುತ್ತದೆ. ಜನವರಿ 10, 1975 ರಲ್ಲಿ ನಾಗಪುರದಲ್ಲಿ ಮೊದಲ ವಿಶ್ವ ಹಿಂದಿ ಸಮ್ಮೇಳನ ಆಯೋಜನೆಯ ಸ್ಮರಣಾರ್ಥ ಈ ದಿನವನ್ನು ವಿಶ್ವ ಹಿಂದಿ ದಿವಸವೆಂದು ಆಚರಿಸಲಾಗುತ್ತಿದೆ.

5
ವಿದೇಶಿ ದೇಣಿಗೆ ನಿಯಂತ್ರಣ ಕಾಯಿದೆ (FCRA) 2010ರಡಿ ವಿದೇಶಿ ದೇಣಿಗೆ ಸ್ವೀಕರಿಸಲು ನೋಂದಾಯಿಸಿಕೊಳ್ಳುವ ಎನ್ ಜಿಒಗಳು ಪ್ರತಿ 5 ವರ್ಷಕ್ಕೊಮ್ಮೆ ವಿಶಿಷ್ಟ FCRA ನೋಂದಣಿ ಸಂಖ್ಯೆಯನ್ನು ನವೀಕರಿಸಿಕೊಳ್ಳಬೇಕು.